fbpx

News

ORANJESTAD, Aruba – 10 di december 2012: “E premio ta sigui crece tur siman” y Mini Mega ta buscando un ganado. Lotto a anuncia cu e jackpot di e wega popular Mini Mega a alcansa 730 mil florin. Como ganado, sigur e suma aki ta un tremendo "bonus" pa caba 2012 cun'e. 
 
Cumpra bo Mini Mega awe mes pa solamente Afl. 5 pa ticket, asina abo tambe ta den wega pa por gana e premio grandi aki cu lotto ta ofrece na su hungadornan. Corda pasa cumpra di bo trempan, pasobra e filanan lo ta largo cerca rebendedonan. 
ORANJESTAD, Aruba – 10 di december 2012: Awe nochi Aruba lo conoce un otro feliz ganado di e jackpot di Lotto di Dia danki na Lotto, e loteria di Aruba.  E jackpot di Lotto di Dia aki a cuminsa na Afl. 50.000 y awe a alcansa e bunita suma di Afl. 150.000. E sorteo di awe nochi lo ta uno special ya cu esaki a bira un “rolldown” lo cual ta significa abo tambe por tin e 5 numbernan di suerte y si esaki no ta e caso, lo tin un ganado cu 4  number of eventualmente 3 number!

ORANJESTAD, Aruba – 4 di december 2012: Diaranson "Dia 5" Lotto 5 tin un jackpot di 140 mil florin, pero Sinterklaas a dicidi cu e ganado di e lotto lo cobra 240 mil florin! Sinterklaas y Zwarte Piet a trece un saco cu 100 mil florin pa Lotto, e loteria di Aruba regala e ganado di Lotto 5 riba "Pakjesavond", pues diaranson, dia 5 di december.
 
Pa solamente Afl. 4, abo por gana 240 mil florin! Pues, no lubida di laga bo sapato cu wortel y yerba cu bo carta mainta ora bo sali for di cas pa Zwarte Piet trece Lotto 5 su premio pa bo!

ORANJESTAD, Aruba – 30 di november 2012: Lotto a anuncia diaranson mainta tempran cu e jackpot di e wega popular Mini Mega a surpasa mey miyon florin. Pa e siguiente sorteo, cu ta tuma luga diabierna awo dia 30 di november, e jackpot ta 510 mil florin! Como ganado, sigur e suma aki ta un tremendo "bonus" pa caba 2012 cun'e. 
 
Cumpra bo Mini Mega awe mes pa solamente Afl. 5 pa ticket, asina abo tambe ta den wega pa por gana e premio grandi aki. Corda pasa cumpra dibo trempan, pasobra e rijnan lo ta largo cerca rebendedonan diabierna atardi. 

ORANJESTAD, Aruba – 19 di november 2012: Ta trata aki di un storia masha agradabel, con un bishitante ta yega Aruba for di Corsou y ta opta pa “purba su suerte” ora su amigo di Aruba a bay cumpra su Lotto 5 y e ta dicidi di cumpra tambe. Pa su bon suerte e ta dal e premio mayo di Lotto 5, cu a hunga diasabra anochi. E ganado a resulta den persona di Hennedy Curiel, cu desde 9 aña di edad ta bishitando nos isla. Dialuna mainta el a ricibi su check di 725 mil florin for di man di Ronald van den Berg, director di Lotto, E loteria di Aruba. 
 
Hennedy Curiel a conta cu un amigo di dje a baha na Lucky Spot pa cumpra Lotto. Asina aki tambe e la dicidi di purba su suerte y a puntra nan eyden cuanto ticket e por haya cu 10 dollar y asina a dicidi di cumpra 3 ticket, di cual e mes a scoge su numbernan cu tin un nificacion special pe. E numbernan di suerte aki a resulta den e combinacion cu Lotto a saca diasabra anochi tambe, cu awor lo cambia bida di e hungado aki, cu un premio di no menos di Afl. 725.000,-. 

ORANJESTAD, Aruba – 12 di november 2012: “Nos a cuminsa na 100 mil algun siman pasa y ya nos ta na 725 mil florin caba. Esey ta demostra e confiansa di nos hungadonan den e sorteo”, asina Ronald van den Berg, gerente general di Lotto di Aruba a bisa cu un bos di satisfaccion. “Nos ta hopi contento cu e sosten, pasobra ta mas fondo nos ta haya disponibel pa sigui inverti bek den deporte”, asina el a agrega.

Ta algun siman caba cu e premio di Lotto 5 ta kedando aden y consecuentemente ta sigui subi. Diasabra ultimo e premio a bolbe keda aden, pues pa diaranson awor a bolbe subi alcansando e bunita suma di Afl. 665.000,00. Cada Lotto 5 ta costa solamente 4 florin, bo por cumpra bo numbernan fiho of un lotto 5 loco. 
 
Lotto, e loteria di Aruba, ta partiendo hopi premio entre su hungadonan. E wega di Lotto 5, semper ta uno masha gusta y cumpra cerca e hungadonan, cu ta purba nan suerte pa tambe bira un feliz ganado. Lotto ta conseha tur hende pa busca nan ticket ganado trempan, sea ta bo numbernan fiho of Lotto Loco y asina bo por sinta diasabra anochi na bo cas, ansioso pa sa si abo ta e feliz ganado.

Entre mas hende cumpra Lotto 5, mas atractivo e “jackpot” ta bira pa tur e hungadonan, ya cu sigur tur hende kier tira nan liña na awa pa gana e gran premio. Despues cu diaranson ultimo no tabatin ganado di e premio di 490 mil florin, diasabra awo e premio di Lotto 5 ta yega e suma di 525 mil florin! 

Cada pasa tanto tempo, Lotto, e loteria di Aruba, ta lansa promocionnan nobo pa asina duna su hungadonan mas oportunidad pa hunga weganan nobo, dibertido y cu posibilidad pa gana mas premio. Asina nan ta introduci un wega promocional nobo pa Aruba, esta “Tic-Tac-Toe”, cu chens di por gana premionan al instante.

E aña aki tabata e aña cu Lotto a revitalisa su imagen y desde luna di mei, a cuminsa presenta hopi innovacion y no solamente cambiando bida di nan hungadonan cu suerte, pero tambe realisando basta cambio pa nan mes. Despues di a inaugura nan oficina nobo den Paardenbaaistraat 10, awo ta toca turno pa inaugura un studio completamente nobo cu un presentacion y mashinnan innovativo y mas moderno. 

Recientemente Lotto, e loteria di Aruba, a anuncia na henter pueblo di Aruba, cu nan tin un wega promocional nobo cu ta hopi dibertido y facil pa hunga. E wega “Tic-Tac-Toe” ta uno masha conoci y popular pa hopi di nos y sigur lo haya atencion di hopi hende, tanto pa curiosidad como tambe pa purba gana e jackpot di dia. 

DMC Firewall is a Joomla Security extension!