ORANJESTAD, Aruba – 13 di october, 2015: Despues di un exitoso evento na maart ultimo unda un gran cantidad di atletanan di judo a participa na e prome Subway Challenge, recientemente a ripiti e grandioso evento cu a haya e nomber di Subway Challenge number dos esaki na Eagle Sport Club. Un bon publico a asisti na e evento di judo cu a conta cu un participacion di alrededor di 80 judoka. Esunnan presente por a disfruta den e diferente combatenan den e categorianan 1 – 2 – 3, cadet, junior y senior.
Read more: Lotto ta felicita e federacion di judo cu nan exitoso torneo Subway 2 Challenge
ORANJESTAD, Aruba – 13 di october, 2015: Tur aña Aruba ta sede di diferente torneonan deportivo internacional unda paisnan den nos region ta bin y competi hunto cu esunnan di Aruba mes. Den e vakantie di luna di october cu a caba di pasa, mayoria di nos atletanan tawata mas activo cu nunca cla pa atende compromisonan na Aruba of den exterior. Riba dianan 1 y 2 di october, e federacion di ciclismo, seccion BMX tawatin un careda internacional grandi riba e Pista di Bike Cross na Jaburibari.
Read more: Competencia internacional di bike cross cu participacion di Venezuela, Corsou y Aruba
ORANJESTAD, Aruba – 13 di october, 2015: Despues di a pasa un temporada di vakantie grandi, e atletanan di landamento sincronisa a reanuda entrenamento den luna di augustus y diasabra 26 di september, e federacion di landamento, A.Z.B a organisa e prome competencia oficial pa e atletanan di landamento sincronisa.
Read more: Arubaanse Zwembond a organisa un competencia di landamento sincronisa
ORANJESTAD, Aruba – 13 di october, 2015: Dia 25 di september a tuma luga na Richmond, Virginia e campeonato mundial di ciclismo organisa door di e federacion mundial di ciclismo, UCI. Durante di e campeonato mundial, e federacion a probecha di e oportunidad di organisa e congreso anual pa tur su miembronan rond mundo. Contrario na e añanan anterior, e aña aki si Aruba Wielerbond tawata presente na e asamblea y representa pa su presidente, Juelle Thode.
Read more: Presidente di AWB, Juelle Thode a atende congreso di UCI na Richmond, Merca
ORANJESTAD, Aruba – 13 di october, 2015: Recientemente e federacion di ciclismo Arubano, AWB a haya un invitacion for di e federacion di ciclismo di Puerto Rico pa asisti na un evento di mountain bike regional, e asina yama Elite Caribbean Championship Mountain Bike, cu lo tuma luga na San Juan, Puerto Rico. Dia 25 di September e evento aki a inicia mientras cu Aruba lo participa cu dos atleta masculino y un atleta femenino.
