Oranjestad, Aruba - 15 di juni, 2015: Den e weekend tras di lomba, e atleta elite di salto largo, Quincy Breell a sali pa Lima, Peru, unda e la competi den e Grand Prix de Atletismo. Despues cu algun siman atras Quincy a realisa un tremendo actuacion na Cartagena, Colombia unda e la logra bula un record personal y alabes nacional di 7.72 meter den salto largo, un otro reto a spera e atleta Arubano.
Oranjestad, Aruba – 12 di juni, 2015: Den e fin di siman tras di lomba a tuma luga e Feria Nacional den Paso Fino na Rancho La Ponderosa. Un cantidad grandi di Amazona y Jinete a bini e dos dianan di competencia pa asina duna un espectaculo riba nan cabay. Special pa e competencia aki a busca un hues di exterior den persona di Dr. Carlos Alberto Londono di Ibague, Colombia.
Read more: Tremendo tabata e competencia di Feria Nacional 2015 na Rancho La Ponderosa
Oranjestad, Aruba - 11 di juni, 2015: Dentro di algun dia un delegacion di bowling ta sali pa e ciudad di Panama City, Panama unda nan lo ta competiendo na e Campeonato Panamericano Hubenil di Bowling. E campeonato lo tuma luga e dianan 27 di juni te cu 3 di juli.
Oranjestad, Aruba – 12 juni, 2015: Tur cos ta cla pa e campeonato nacional di atletismo organisa pa e federacion di atletismo, A.A.B.. E aña aki e comision organisado lo premira cu e campeonato nacional lo bay ta uno grandisimo cu un cantidad record di atleta kendenan lo competi den e diferente disciplina nan.
Oranjestad, Aruba - 11 di juni, 2015: Pa tres dia largo piscina Olimpico Roly Bisslik na Savaneta tabata testigo cu Aruba su miho clubnan di landamento a hiba un bataya fuerte contra di otro pa mira ken por yama su mes e miho di aña 2015. Dilanti di un publico grandisimo kendenan a baha masal pa apoya e nan clubnan di landamento, e atletanan tur a haci nan maximo esfuerso pa brinda tur presente un espectaculo di kita sombre.
